Azərbaycana gətirilən mobil telefonlara artıq yalnız gömrük rüsumu deyil, aksiz vergisi də tətbiq olunacaq.
Bu dəyişiklik “Azərbaycan Respublikasının 2026-cı il dövlət büdcəsi haqqında” qanun layihəsində öz əksini tapıb.

Yeni qaydalar nələri dəyişir?
Qanun layihəsinə əsasən, bazar qiymətindən asılı olmayaraq, bir təqvim ili ərzində ölkəyə 1 ədəddən artıq mobil cihaz gətirən şəxslər hər əlavə cihaz üçün 100 manat aksiz vergisi ödəməli olacaqlar.
Bu o deməkdir ki:

• İldə 1 telefon gətirmək əvvəlki qaydada qalır.
  
• 2-ci, 3-cü və sonrakı cihazlara görə əlavə 100 AZN rüsum tutulacaq.
  

Qısaca desək:
Artıq 2026-cı ildən etibarən:

• ?? Azərbaycana 1-dən artıq mobil telefon gətirən hər kəs 100 AZN əlavə aksiz vergisi ödəyəcək.
  
• Bu qayda şəxsi istifadə üçün gətirilən cihazlara da şamil olunacaq.
  

Qayda 1 yanvar 2026-ci il tarixindən qüvvəyə minəcək.